A Coruña quere fútbol sala, e o futuro deste deporte pasa por seguir coidando a canteira, apostar polos xogadores locais e poñer os valores por riba de todo. Con esa filosofía, 5 Coruña FS e Royal School FS veñen de selar un acordo de filialidade que marca un paso adiante para o crecemento do futsal na cidade.
Este acordo permitirá xerar sinerxías entre ambos proxectos, fortalecendo a formación de xogadores e ofrecendo novas oportunidades para que o talento local siga desenvolvéndose. Ademais, consolida a aposta pola base e pola transmisión de valores educativos e deportivos, un sinal de identidade compartido polos dous clubs.
“É un camiño cheo de ilusión, pero sobre todo de responsabilidade e compromiso co noso deporte e coa nosa cidade”, sinalan desde ambas entidades.
Con esta unión, o fútbol sala coruñés dá un paso firme para situarse no lugar que merece.
#acoruñaquerefutsal #facendocamiñoxuntos #yocreoenlaidea
