MENÚ

MEMORIAL FANI MARTÍNEZ


O próximo martes, 26 de marzo, terá lugar o I Memorial Fani Martínez.

O noso clube e boa parte da comunidade do fútbol sala galego queren render unha merecida homenaxe á nosa eterna compañeira.

Como non podía ser doutra maneira, o evento será unha bonita festa na que celebrar un encontro entre amigas de Fani: compañeiras, xogadoras do clube, da selección galega e outras figuras de primeiro nivel do noso fútbol sala que se prestan a sumarse a unha iniciativa ben fermosa.

O recadado coa entrada donativo será destinado á AECC, coa que colaboramos de xeito habitual.

Ademais, disporémonos da unidade móbil de doazón de sangue na porta do pavillón dende as 15:30 ás 21 horas.

Destas dúas maneiras, procuraremos conseguir participacións para sorteos e algunha sorpresa que iremos desvelando.

¡Non o perdas!

O martes, 26 de marzo, ás 20 horas en Mesoiro. O seu legado continúa e continuará… cunha gran festa do futsal.

(Ao longo dos días, iremos anunciando participantes e máis sorpresas)

#TANSÓPORTIFANI

Compartir:

Facebook
Twitter
Telegram
WhatsApp
Email